بيسألوني
ليه اللوم ليه العتاب
بيسألوني
ليه قلبك حزين زعلان
بيسألوني وصحوا فيا المواجع
صحوا فيا بركان ألامي
زلزلوا روحي وكياني
قلبي كان كله طيبه
مفيهوش غدر
رفض الخيانه
أفهموا بقي
دي مش خيابه
إداهم حب وحنان
إداهم إهتمام وأمان
كانوا أكتر من أهلي
مش بس كده
كانوا أكتر من نفسي
كانوا دنيتي وأمسي
كانوا شمعتي وضلي
بيسألوني ليه اللوم ليه العتاب
ظهر ديب خبيث لعين
قال ازاي يكونوا متهنين
ليه يعيشوا كده مرتاحين
لازم افرق بين المتحابين
كشر عن انيابه
أقسم بلسان أخرس عقيم
وغم عينه بعصابة الحاقدين
لازم اهزم الزعيم
وسوس ف عقولهم
بكلام خبيث
كلام منقول من اليهود
ده حافظ وفاهم التلمود
خافوا منه ووقفوا معاه
انت الاقوي احنا معاك
بص الديب مستعجب منهم
سيبتوا القلب الطيب وهربتوا
وجيتوا ف حضني واتمرمغتوا
هي دي كل الحكايه
يا ساده يا مستمعين
راضيه حكمكم أو اقولكم
مش هتفرق كتير
وكلت قضيتي لمن به أستعين
ليست هناك تعليقات:
إرسال تعليق