----فى عيدك يا أمى--------
فى عيدك يا أمى أنا بكيت
دايما الدنيا شاغلانى عنك وما انتهيت
ضمينى أسقينى من حنانك على حضنك حنيت
فى عيدك يا أمى أنا بكيت
انا مهما عملت مقصر ما أنتى الحنان ونبض البيت
بكيت لأن الدنيا وخدانى بعيد عنك وأنتى شوقى وبقول يا ريت
فى عيدك يا أمى أنا بكيت
ما قصرت فى حقك يا أمى يا ومن طول بعدى عنك جنيت
قاسى على الدنيا ولما بشوفك بقول أنا جيت
فى عيدك يا أمى أنا بكيت
طول عمرى يا عمرى ودموعى لما بشوفك بعشق حنينك بتدعيلى وتقولى صليت
وعبيرك كما المسك ضمينى ضمينى فى حضنك أنا شفيت
فى عيدك يا أمى أنا بكيت
بكيت والصرخه جوايا بتقول كدا كفايه
لا تنسى حبها هى نبضك من يوم ما أبتديت
فى عيدك يا أمى أنا بكيت
خليها تدعيلك وتمسح بأيدها على جبينك
وتحضن فيك شرايينك دى حنانها ساكن فى نن عيونك
فى عيدك يا أمى أنا بكيت
وبرضاها يرضى عليك ربك ويسهلك كل أمورحياتك
أنتا نبضها وهى فى الأساس ملاكك
فى عيدك يا أمى أنا بكيت
الشاعر / على فياض البلصفورى
قطرات الندى
ليست هناك تعليقات:
إرسال تعليق