الغيرة بقلمي: صلاح منير
الغيرة نار
وأنا محتارة
بين قلبي
وبين حبيب غيار
عنيه دايما تراقبني
ويغضب لو حد كلمني
معذبني ليل ونهار
على النظرة
وع الهمسة يحاسبني
وأنا في حبه
دليلي احتار
ولو سبته
أعيش ازاي أنا في بعده
بحبه يا ناس
ومأدرش على بعده
يا ريت يرحمني من غيرته
قولوا له يا ناس اني بحبه
ومستغناش عمري عن حبه
حياتي الجاية علشانه
بنام وبأوم بحلم بيه
بشوفه نجم مفيش زيه
ده هو حياتي وعنيه
وهو أيامي الجاية
بكل الصدق بأحلف له
ده أخلاصي مفيش زيه
قلو له يا ناس أني بحبه
ياريت يرحمني من غيرته
دي الغيرة نار
وأنا محتارة
بين قلبي
وبين حبيب غيار
عنيه دايما تراقبني
ويغضب لو حد كلمني
معذبني ليل ونهار
على النظرة
وع الهمسة يحاسبني
ياريت يرحمني من غيرته
ويعرف أد ايه أنا بحبه
صلاح منير
11/12/2017
ليست هناك تعليقات:
إرسال تعليق