الست المصرية
يا مصرية يا ست الستات
يارفعة راسنا لأعلي الدرجات
نزلت الميادين ألفات ألفات
ولادك معاك صبيان وبنات
تزرعي الوطنية في النبتات
فوقتي الرجال في العدد
صوتك سبق صوتهم بالهتفات
رجيتي أركان الوطن
صحيتي كل اللي كان قلبه مات
مشيتي رافعة العلم
صرخ في ايدك العلم
قال : رديت فيا الروح
بعد طول الموات
ما بكيت ضناك الشهيد
وقلت فدى الوطن دمه
أوعوا تقولوا ده مات
ده سعيد في جنة السموات
يحلم بوطن مستقل
ينعم ولاده بأعظم الأنتصارات
عشتي لنا ولمصر
يا أم الشباب ثاير
يا زينت الستات
صلاح منير
ليست هناك تعليقات:
إرسال تعليق