ماليش مكان….. عاصم
و انا بنسحب من جوه روحك…
خللى قلبك يسألك
مين اللى كان ترياق جروحك؟…
ليه بتبعيني؟
انا بس كان نفسي اسألك…
مين بعد مني يكملك؟…
و لا حتى بقصد من كلامي
أى معنى يبدلك…
و لا بنتظر منك رجوع…
قلبي اللى مات من غير سبب
هاترجعه شوية دموع ؟…
دموع مرار ميشبعوش العمر
لو فكر يجوع…
هورجاءو بعدها
خدي كل أحلامك بعيد…
وانا اوعدك من بعد منك
هابدأ حياتي من جديد…
شاغلي كتير كل العيون
واحذفي كل اللي فات…
و اكتبي انك سعيدة
حد الجنون
وان اللي بينا ذكريات…
ارسمي الاحلام معاهم
عيشي كذبك بالسنين...
غيري قانون الغرام
اقتلي فياالحنين…
تعرفي!!!
لأول مرة باكلمك
وايدينا مش متشبكين…
احساس غريب كأن روحي خارجه مني…
قلبي الغبي خايف عليكي غصب عني……
خايف اضمك وقت الوداع لاصعب عليكي
والله اموت لو شوفت يوم دمعة في عنيكي…
بالله عليكي…
اضحكي زي زمان…
وما تخافيش ابدا عليا…
انا م البداية ماليش مكان…
بقلم.. عاصم سعيد ..
ليست هناك تعليقات:
إرسال تعليق