بقلم: صلاح منير
عايزة عريس
أنا جميلة وجمالي عجب
حواليا الرجالة بالكوم
اعجابهم بيا دا له سبب
من جنه جمالي ماعليه لوم
متربية وعارفة الأدب
عايزة شاب حنين جدع ورؤم
ابن ناس عاقل ومهذب
ان شافهم ما يجيب عليا اللوم
محبش الغيرة من غير سبب
بالثقة الحب بينا يدوم
انا لا شمال ولا قليلة الأدب
عايزة أبقى زوجة وأم
في حبي ح أوريه العجب
لو حبني ولصدره يضم
لا ح غير عليه من غير سبب
ولا ح حاسبه كدا كل يوم
ح أصون ماله وراعي فيه الرب
وأكون له زوجة صالحة وأم
لا خناق ولا نكد ولا شغب
بس يارب ألقاه كدا في يوم
ادعوا معايا ألقاه قولوا يارب
صلاح منير
ليست هناك تعليقات:
إرسال تعليق