لما تهل علينا
----------
باقيلك .. كام خطوة معانا
وتروح لحياة مافيهاش زيينا
تنفد بجلدك من بين أنيابها
وتسيب أوجاع توجع فينا
وكأنك لكنت في يوم ويانا
ولا حتي رسيت بحياة جنبينا
ولما نشوف بواقيك نفتكرك
نقعد ....نمسح في عينينا
أوعي ..تكون زعلان منينا
أو ...تظلمنا وتيجي علينا
قصرنا ... أه قصرنا كتير
ما أنت يا صاحبي عارفنا
وعارف.. إن إحنا كمان
شاربين ..من نفس البير
كنا معاك نشتاق للبسمة
ونهرب من عتمة لعتمة
تقعد تشكيلي وأشكيلك
ونجري ورا الريح مشاوير
كان أملي وأملك نتقابل
أنا وأنت وضليلة فرحة
وقمراية تعشش علي قلبي
وأغزل لها بعنيه الطرحة
سنيورتي أم عيون عسلي
اللي حكيتلك عنيها زمان
إياك فاكراني .. دلوقتي
ما كانت ملكتني الأحزان
سافر وأوعي عشاني تعافر
ما خلاص خلصت خطاوية
وهي .. ما عاد ليها أمان
وأن لفيت ورجعت مكاني
مالكاش.. دعوة بأحزاني
خليها .. تملي تحكي لهم
أزاي تعبت وتعبتني أيامي
يمكن تشتد عزيمة الولد
وألقاهم وياها حققوا احلامي
-----------!--!--
الشاعرمحمدضباشه
ليست هناك تعليقات:
إرسال تعليق