(( نسيت أعيش ))
تاهت بينا الدنيا سنين و أيام ...
شقى و كفاح وسباق ورا الأحلام ...
أتاريها في الآخر لقمة عيش ...
لقمة عيش كله بيجري وراها لأجل يعيش ...
لقمة عيش مقسومة و كله ناسي دي المعلومة ...
و لحظة ما فات الأوان ... جاني خاطر مش ع البال ...
و أنت بتجري ورا لقمة عيشك ... إياك تنسى تعيش ...
كانت صدمه بجد حزينه ... و لا فكرت لحظه أعيش ...
راح العمر فشنك يا خايب ... راح في البقشيش ...
عايش تهري وعمرك تجري لأجل العيش ...
ولا فكرت مره تعيش ...
كافح ماشي .. واسعى دا واجب .. لكن نفسك .. ربنا وصاك ليها تصون ...
حقها واجب سنه وشرع و اوعى تجور ...
عيش أيامك .. ده من حقك .. بحقه و عدله .. وبفضله تكون .. تكون مأجور ...
محمد عبدالغني عماره ... الخميس 23 أغسطس 2018 س 5 م .
ليست هناك تعليقات:
إرسال تعليق