تَارِك الصَّلاَ
ـــــــــــــــــــــــــــــــــــــــــــــ
تِفْـرِق إِيــــــــه عَن اللي مَيِّت
لَمَّا انْتَ مُش سَــــــــــامِع أَدَان
اللهُ أَكْـــــــــبَر وِانْـــــــتَ مَيِّت
مِحْتَاج وِدَان فُـــــــــوق الوِدَان
يَا اللي انْتَ تَــــــارِك لِلصَّـــلاَ
يَا اللي انْــــتَ مَاشِي بِالنَّمِيمَـه
أَيْــــوَه بَـــأَدِّن في الخَــــــــــلاَ
هَتْجِيب مِن اين انْتَ عَزِيمَـــه
مَـــــأَثِّر فِيك صُــــوت الغُنَــــا
وِمَـــعَ الأَدَان حَالْتَك كَئِيبَــــــه
وِلَو هَـــــــأَدِّن 100 سَنَــــــــه
إِزَّاي هَشِيــــــل عَنَّك مُصِيبَـه
بُكْرَه تِدْخُل عَ الكِتْف جَـــــامِع
الاسْـم عَاصِي وِالجِسْم مَــــات
إِمَــــام يِــأَدِّن وَلاَ انْتَ سَـــامِع
لِوَحْدَك فَاتُوك في القَـبْر بَـــات
مِن غِير عَمَل في الجَنَّه طَامِع
ضَيَّعْت عُمْرَك بِالذَّنْب فَــــات
وَادِيك خَلاَص قُــــــــدَّام جَهَنَّم
تُصْـرُخ آهَــات بِتْجِيب آهَــات
تِفْــرِق إِيــــــــه عَن اللي مَيِّت
لَمَّا انْتَ مُش سَــــــــــامِع أَدَان
اللهُ أَكْـــــــــبَر وِانْـــــــتَ مَيِّت
مِحْتَاج وِدَان فُـــــــــوق الوِدَان
ــــــــــــــــــــــــــــــــــــــــــــــ
كلمات الشاعر أحمد شاهين
....... مصر ... أسيوط .......
ليست هناك تعليقات:
إرسال تعليق