عارف انت لما تلاقي
حد شايفك كل حلمه
حد شالك جوة عينه
عاش همومك قبل همه
حد فهمك
حد من دمعه عيونك ينجرح
حد ديمآ ليك لوحدة كل سرك يتفضح
عارف انت لما تبدأ ليه تعيش
أو تحس ان زيه خلاص مافيش
عارف انت لما تصدق وكل كلمه قولتهالوا
تبقي مبدأ
وأي لحظه غربه فيها تلاقي حضنه أحن ملجأ
وتعيش معاه وتفوت شهور
وفي كل لحظه شوقك يفور مع كل كلمه حبك بيبدأ
ومرة وحدة تحس آنه فعلا خلاص منك بيزهق
وتبدأ تهون
وألف حاجه غير هواك شاغله العيون
وتبدأ تقل
وساعات كتير تحب شئ يشوفه هو شئ ممل
حتي الميعاد ...... حتي الميعاد
تحس منه انه فعلا شئ مهم
وأما تقابله تلاقي في دماغه مليون شئ اهم
حتي جرحك اللي متعود يحسه قبل ماتحكي عليه ....؟؟؟
لما ينزف وانت جنبه وتلاقيه ولا حس بيه
عارف انت لما وقت كتير يعدي وتلقي حبك عندة عاااااادي
تلقي بحر هواك في قلبه ميه فاترة وموجوووو هااااادي
وأما تيجي علشان تصارحه تلقي وش من البرود غلق ملامحه
تقدر تسامحه ومن غير أعتذار وتنسي جرحه
ولا تمشي باللي باقي من كرامتك والله يسامحه
والله يسامحه والله يسامحه
ليست هناك تعليقات:
إرسال تعليق