ماتنكريش
ماتنكريش ان قلبي جا ف يوم وقال بحبك
وماتنكريش ان كان دا نبضه بتوشوش دقاته نبضك
ماتنكريش ان العذاب في الهوا مخلوق عشاني
ولا تنكريش ان الهوا في الكون دا زنبك
ماتنكريش ان الثواني سعات في بعدك
ولا اني باكون وقتها بالفكر شارد
ماتنكريش علي قلبي عمري ماخنتك
او ان طيفك علي قلبي بالحب فارد
ماتنكريش ان السعاده في قربي منك
ولا تنكريش ان الحياه سكر زياده
ماتنكريش اني عاشق في الحب سنك
والبسمه بتكون للعاشق عباده
ماتنكريش ابدا اني بحبك
نكران الحب عمره ماكان بعاده
وماتنكريش اني باتمني اعيش العمر جنبك
الشيبه جنب قلبك بالنسبالي ولاده
ياسر مهدي عمرو
ليست هناك تعليقات:
إرسال تعليق