احنا بشر ياهووووه
٠٠٠٠٠٠٠٠٠٠٠٠٠٠٠٠٠٠٠٠
احنا بشر بحالات وما
بينا احساس وشعور
فينا اللى بيخبط بحيط
وفينا اللى جواه طافةنور
لا تلوم الزمن يا أخى
ولا تلوم حتى دنيتك
ارضى بنصيبك يابن ادم
ولأتفه الأسباب ما تثور
كتب عمرك ورزقك اه
وسعيد بدنيتك أوشقى
مش هتاخد غير اللى
كتبوا ربنا .ف.. سطور
ممكن تعيش دهر كامل
وما حد حواليك يعرفك
وفيه اللى عمره قصير
وعطره بعد الممات منثور
اتسجلت أعمالك بدنيتك
وأدينا .ف..الفلك بندور
سيرتك وعملك هيبقولك
لأبد الدهر ..وبكل عصور
ابنى بنا راسخ ومتين
ويكون الأساس قوى
مش تبنى بأرض رخوة
وتبنى فوقها وتعلىَ قصور
خليك واقعى واترك
الزمن يدور وين مايدور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات٠٠ شعبان الملوانى
ليست هناك تعليقات:
إرسال تعليق