دائما في الجوار
سوبر مان قبل ماقال هامشي !
بردك قال هاستني معاكم
راح واختفي رغم انه ما قالشي
قلبي وعقلي ياناس وياكم
كات حدوته جميله وراحت
رغم قلوبنا معاها ارتاحت
قولنا خلاص هنحب الدنيا
قولنا دموعنا هتبعد ثانيه
قولنا هنبقي يا ناس حاجه تانيه
بس تلاته ريحتهم فاحت
الاعاصير عماله تزيد
واحنا بنمسك قشه بقشه
لسان مقطوع ومالوش تغريد
والاجساد تكنسها مقشه
فين يا فراعنه الجذر العاتي
واحد بينكوا وفيكوا بهاتي
فين الحلم اللي حلمناه
واللي اتفرعن مين قواه
ليه اعدائي يقولوا دا تاه
وانا وياكوا في كل حلاتي
ليه اتمني مااشوفش اماني
ليه الحلو يكون شيئ تاني
ليه الطيب لما بيطمع........
يبقي حقود وبشكل اناني
عمري خلاص ولى وجاب اخره
خايف عن بيتكم تتاخروا
خايف يجي واحد ويقول ...!!!
معني الوفا ماقيتش انا فاكره
ليست هناك تعليقات:
إرسال تعليق