دنيا وبتجري بينا
كلُّه افتتن و اغتوى
بالدنيا و الدوشة
و العمر أنفاس هوا
طالعة و مش خاشَّة
ماشية فى ديل الهوى
يا نفوسنا يا هشَّة
و لا فينا حد ارتوى
و لا حس بالدهشة
الحب لا بيتباع
و لا تشتريه أموال
و كل مال و متاع
مسيره يوم لزوال
يا مْقَلِّب الأفئدة
و مغير الأحوال
مين اللى بات ليلة
من غير مايتعشى
بعنا رباط الدم
و كل خيط و رباط
الآخرة آخر هم
و خدنا الحياة ب الباط
الحب كيف مش كم
و لا بيقيسوه بالقيراط
كل اللى فات أو مات
هايكون له وحشة
ليست هناك تعليقات:
إرسال تعليق