(أغنيه ) يا ليــلـه عـــــــــــدى
يا ليله عدى .. وبلاش تهدى .. ما تفوتى ياللا ..وخلصينا
حبيبى فارد ..شراع تحدى.. يا خوفى منك .. تفرقينا
ما تفوتى ياللا.. على خير يا ليله .. يمكن فى بكره أعصابه تهدى
الوحدانيه .. لا ليها حيله .. ولا حد يقطف .. علشانها ورده
يا ليله قلبى.. والله حاسس .. إن الفراق دا.. مكتوب علىّ
حبيبى لسه ..فى عنيّه باصص.. مع إن لسه اللى فى .. فىّ
أرجوكى عدى الساعات بسرعه.. ما عادشى جوه عيونى دمعه
ما تفوتى ياللا ..على خير يا ليله .. يمكن فى بكره.. أعصابه تهدى
الوحدانيه .. لا ليها حيله .. ولا حد يقطف .. علشانها ورده
يا ليله مالك .. ساعات بطيئه .. وانتى اللى كونتى زمان دقيقه
حبيبى شايل. ظنون فى قلبه مع إنى أحلف. بالله بريئه
يا ريت تعدى .. وتريحينى.. وتحمى خدى من دمع عينى
ما تفوتى ياللا.. على خير يا ليله يمكن فى بكره.. أعصابه تهدى
الوحدانيه .. لا ليها حيله .. ولا حد يقطف .. علشانها ورده
..
✍.... عبيــــــــــــــر الجنـــــــــدي ...
ليست هناك تعليقات:
إرسال تعليق