**** كـان زمـــــان ****
******************
كان هِنا نُورج زمان
وكات هِناك ماكينة طِحين
كان ليها جُرن ومصطبه
نقُعد عليها ونِشترى جِميز وتين
أيام زمان ما كانش فيه شحاتين
كان الغنى يشِيل الفقير
كان كل بيت له ألف باب
تِدخُل وتاكُل
تِدخُل وتِشرب
تِدخُل وتِلبس
تِضحك تلاقى ضِحكتك
بتْرِن فى بيوت الغلابه
ما كانش فيه فى الليل سهر
غير للديابه
***
كانت بلدنا من زمان
انا كُنت فاكر حِسِّها وطَـعـمها
وريحة التراب
انا كُنت فاكر فين سكن كُل العذاب
كان العذاب ساكن فى أحضان المرض
وف حاره كُل بيوتها واطيه
مقسمينها ألف أُوضه
وكُل أوضه عرضها حوالى متر
وطولها قـُول مترين ونـُص
وكل أوضه لِيها قبوه
يضحك وقهقه
ساعة ما تقرا الاسم تعرف
المَيّت دا مين
وعيلتُه مين
وابن مين
***
يا آ آ آ ه
لما كان واحد فقير
يضحك وقهقه
كُنت تلقى الاغنيا
م الضحك وياه خلصانين
لما كان واحد فقير
يـِعْيا ويموت
كنت تلقى جُدران البلد
والاغنيا حتى العيال
حزنانين والبيوت
****
شاعر القريه
فيصل بدر
ليست هناك تعليقات:
إرسال تعليق