آه طويلة شوية
حكاية فكاهية فى ٣ حكايات
بقلم..مرقص إقلاديوس
.........
الإنسان قبل ما يحب،
بيرسم لحبيبته فى خياله
صورة عجيبة للغاية.
جميلة طبعا زى سندريلا الحكاية
طبعها طبعا راقى كله مزايا.
حكاية تصورية
....
بعدين يحب،
تلقاه حب واحدة قصيرة
اللى كانت بتعجبه الطويلة.
و طبعها بأه
الهادية بقى طبعها نارى .
و الراقية بقت نكدية
عقلها للقلق غاوى.
و القلب الحنين
ما تعرفش إيه اللى جد عليه.
يخليه ينسى و يقسى
و يجور على اللى ليه.
و كدة طبعا قلبت الحكاية واقعية.
....
و يحكيلك عنها
و إنت اساسا تعرفها.
يبقى نفسك تعيط
على الحقايق اللى عكسها.
يكون بيكلم عن واحدة تانية.
أبدا..بيكلم عنها..عنها.
لكن اللى طبعا بيتصورها.
طب و ليه ده كله
فين يا عمنا واقعية المزايا.
ابدا
عشان يعيش بعقله
بدل ما يروح السرايا.
و عشان ما يتوجعش قلبه
من آه طويلة شوية.
طولها طول الحكاية.
على فكرة الحكاية رمزية.
و أنا من الأول
مش باتكلم عن حبيبة إنسية.
بس إنت فكر شوية.
ملاح بحور الحكمة
مرقص اقلاديوس
ليست هناك تعليقات:
إرسال تعليق